影片
更多
2024-09-17
1057 浏览
我同两个同事去食午餐，由于系附近番工，久唔久都去食吓，平心而论，食物唔差，饮品一般！但佢哋嘅服务态度系十个差。呢日好奇怪，点餐个QR code, 有啲Hang 机。搞咗几分钟终于点到三个餐三个饮品。食物好快到，呀姐送上4杯饮品，我哋即时同佢讲，麻烦你 check 吓，应该唔系我哋叫，佢吚吚哦哦，check 完话系我哋自己叫，不过有其他食物未到就可以取消。与此同时，有三四份食物到咗，咁我哋又再讲一次，我都只系叫咗三个餐。 就系咁我哋坐咗喺度等佢取消，我哋冇食过冇饮过啲嘢。隔咗一阵我又问阿姐咁而家点呀？佢话出咗嘅食物就冇得取消㗎啦，系你哋自己叫嘅。未出嘅佢已经帮我哋取消咗两份，我再次解释三个女仔点样叫六个餐呢？咁我就叫佢麻烦你叫经理出嚟处理一下啦，我哋真系冇叫过六个餐。返咗几分钟，仍然冇人理我哋。咁我去问另外一个男职员，佢话我你嘈都冇用个㖞！又隔咗几分钟都冇人理我哋，我就起身同佢哋讲，嘢食呢我哋就冇食过，我而家就走㗎啦＇如果你哋觉得我食霸王餐嘅话就报警啦！去到门口收银叫我俾钱，我重复同佢讲我冇食过啲嘢，如果佢哋觉得我哋食霸王餐就报警！呢个时候有位著水鞋嘅经理出咗嚟，我同佢讲我哋只系叫咗三个
呢日好奇怪，点餐个QR code, 有啲Hang 机。搞咗几分钟终于点到三个餐三个饮品。
食物好快到，呀姐送上4杯饮品，我哋即时同佢讲，麻烦你 check 吓，应该唔系我哋叫，佢吚吚哦哦，check 完话系我哋自己叫，不过有其他食物未到就可以取消。与此同时，有三四份食物到咗，咁我哋又再讲一次，我都只系叫咗三个餐。
就系咁我哋坐咗喺度等佢取消，我哋冇食过冇饮过啲嘢。隔咗一阵我又问阿姐咁而家点呀？佢话出咗嘅食物就冇得取消㗎啦，系你哋自己叫嘅。未出嘅佢已经帮我哋取消咗两份，我再次解释三个女仔点样叫六个餐呢？
咁我就叫佢麻烦你叫经理出嚟处理一下啦，我哋真系冇叫过六个餐。
返咗几分钟，仍然冇人理我哋。
咁我去问另外一个男职员，佢话我你嘈都冇用个㖞！
又隔咗几分钟都冇人理我哋，我就起身同佢哋讲，嘢食呢我哋就冇食过，我而家就走㗎啦＇如果你哋觉得我食霸王餐嘅话就报警啦！
去到门口收银叫我俾钱，我重复同佢讲我冇食过啲嘢，如果佢哋觉得我哋食霸王餐就报警！
呢个时候有位著水鞋嘅经理出咗嚟，我同佢讲我哋只系叫咗三个餐，麻烦帮我取消另一个餐，佢话如果个个客人都系咁，叫完又取消？唔得！我又解释多一次三个女仔叫咗三个餐，系你哋系统有问题重复咗！
由于佢都唔系想解决问题，咁我就同佢讲多一次我而家就走㗎啦，我冇食过啲嘢你喜欢就报警啦！佢望一望门口条龙，讲咗一句粗口，仲话倒晒啲嘢都唔欢迎我哋去！
呢间舖头确系门口长期有条龙，因为小红书好多推介，但系咁样嘅态度你会唔会去呢？其实个经理只系要取消咗一个餐，就可以留低三个开心嘅客人。佢完全冇检视过自己嘅系统，就觉得系客人嘅问题，仲粗声粗气！
张贴