古早味台灣原味 (已結業)

很久没有去台湾玩，但系心里面又好想食下台式野，系铜锣湾地铁站附近见到有人派传单，即刻冲上去呢间古早味台湾原味店试下!!~入到去餐厅坐低，已经听到餐厅不停loop住d台湾流行曲，d台湾feel马上出晒嚟，吾讲真系以为自己去左台湾啰!!~跟住睇埋个menu,见到好多台式野食同饮品，选择真系好多，仲要价格非常亲民!!黑糖珍珠奶茶 (hk$22)传统既珍珠奶茶味道，奶茶幼滑，带有一点点黑糖味道，珍珠量同奶茶量都不少，大大杯，以$22呢个价钱来讲，绝对系平，靓，正!!!干贝樱花虾荷叶饭 (hk$88)呢个荷叶饭一上枱香喷喷，热辣辣，饭面舖满好多好多樱花虾，用料非常足够，一入口，饭质非常烟韧，带有阵阵荷叶香味，味道惹味香口。九层塔手抓饼 (hk$28)手抓饼烤得松软好味，仲带有九层塔独特既香料味道，绝对值得一试!!台式酱牛肉 (hk$36)牛肉份量不少，肉质够厚又够嫰，带点点微辣，而且非常惹味可口。醉鸡卷 (hk$88)呢个醉鸡卷份量非常多，有差吾多十件左右，件件都又厚又嫰，入口啖啖肉，酒味亦算浓，带有酒既甘香味道，爱醉鸡者必食!!~整体来讲，呢间餐厅无论食物，饮品，同甜品既款式选择都非常丰富，而