星記海鮮飯店 (一號廣場)

营业中

休息中

因为食后感比较一般，提5起劲写食评，眼见今日系除夕，系时候清理一下未写既食评呢间食店算系老友既饭堂，今次我第一次跟队去食 dinner。当晚约咗6:30，去到只得几枱客。枱距系ok，几适合吹水。员工都好nice，笑脸迎人。今晚我地5条，所以叫咗6碟 (我已5太记得𩠌名，只能说出系乜材料)：1. 蛏子配油泡米粉饼：呢个一定要衬热食，因为凉咗 d 汁会比较稠，咸度会增加，而且米粉饼凉咗会靭。味道系几好，d汁混米粉饼一起吃系好好味。可能酒家要俾食客数得出蛏子数目，所以条条蛏子皇就一抽抽。如果呢碟5系按蛏子数量来计钱，而是按例牌来算，咁蛏子可以切细件点，就会更完美。因为可以一啖蛏子，一啖米粉饼，感觉更正～2. 椒盐九肚鱼：口感太削，比较稀巴烂。椒盐味也不足。3. 海中宝：食卖相。我地研究过只虾5系鲜活，所以味道一般。4. 咕噜肉：系呢度 signature dish，的确系6碟中最好食～酸甜适中5. 豉油皇炒面：系炒得爽，但我自己觉得味道略为淡咗d6. 蒸鸡：我睇食评大部份都赞鸡，但我真心觉得色泽可以，但鸡系无味，肉质5滑。差d讲句。。。我觉得平时食白切鸡 or 豉油鸡会滑d。呢碟真系失望架。