香港冰皮燒鵝

营业中

休息中

今日放假去咗宝林见朋友，差唔多下午茶时间，所以去咗试下附近嘅烧味店，见到下午茶好似几抵食咁🧚🏻餐牌平均都系四五十仲有野饮，算系接受范围👌🏻叫咗下午茶牌入面嘅烧鹅濑，招牌冰皮烧鹅的确几好味，层皮好香口，又唔会话太多肥膏或者全部都系骨冇肉，肉都算厚实🧐濑粉口感都几弹牙,自己几钟意。不过个汤好明显好重味精，劲似某福字牌米粉，味精胡椒味，大打折扣，店员仲话系佢地自己煲…朋友就叫咗全日餐牌入面嘅烧鹅乳猪饭，$7x双拼饭，饮野可以转无味精自家例汤。普通例汤味，有一块红萝卜同d和猪骨，味道ok嘅，不过可能饮番杯野饮会好啲😐个饭对得住个价钱，乳猪皮好脆，肉都好弹牙，烧鹅就差唔多，仲附送埋乳猪酱。屋村烧味店几十间间差唔多，不过呢间有乳猪拣，可以一试嘅，不过个濑粉汤底就仲有进步空间。