泰興隆泰國菜館 (已結業)

今日同一班朋友入黎坪洲行下，行完上山睇下风景之后就见有d攰想揾个地方坐下饮杯野休息下。点知见到好多间冰室都闩门，唔知系咪坪洲嘅舖头都比较早闩门呢？行行下见到呢间泰国菜馆仲未闩门，就决定入去坐下。我d女就叫左个椰青share饮35蚊一个，同大多数嘅泰国菜馆差唔多价钱，都够冰冻，系刚刚行完山时饮系一流，十分解渴。我就叫左个洛神花冰：酸酸甜甜咁，有d似山楂嘅问题，但我谂佢应该系落得太多嘅糖水，所以就算点搅杯野饮都系好甜。我老公叫左杯椰汁珍多冰：入面除左有平时见到嘅一条条绿色啫哩之外仲有一粒粒嘅野，面有一层好似啫哩咁嘅野包住一粒马啼系中间，好好味。串烧：好香嘅沙嗲，3种都好味但略嫌唔够热辣辣。炸虾饼：热辣辣上台，入面嘅虾都好足料。但味道就比较淡，而佢配嘅甜酸酱就好稀...好似水咁。