Bold Italic (已結業)

观塘食晏时候, 好多人都会去工厂大厦啲食肆揾食, 其中骆驼漆大厦应该都有好多人试过。 寻日去咗一间食西餐嘅餐厅食晏, 呢间餐厅喺骆驼漆大厦3座三楼, 呢间餐厅装修好舒服, 食晏时候唔算多人。一个人静静地坐喺度食都好舒服! 今日我叫咗个照烧汁鸡扒配薯蓉 ( 你可以配饭,意粉或者沙律菜) 又一个餐汤 一件小牛油多士, 仲有糖水, 同饮品。我叫咗个粟米汤, (或者三鱼汤) 粟米汤都ok, 佢应该用新鲜粟米打溶, 饮起上嚟好清甜。照烧汁鸡扒配薯蓉, 鸡扒煎得好香脆, 薯蓉有少少咸但系唔够creamy, 卖相一般。柠檬茶冇乜特别食完仲有一个雪耳糖水送。其实已呢个价钱嚟讲, 可能系话食佢嘅装修 , 环境, 但系呢啲食物质素好似仲比起茶餐厅𠮶啲差不多。