影片
更多
2017-02-18
711 浏览
OT夜咗喺公司𠮶头四围揾食，记得某一晏昼同同事叫咗个四人餐全部菜式都好满意，今晚独剩一人就胆粗粗返嚟再回味。时近22:30仍然高朋满座，眼见人人都系叫差唔多嘅菜式我就嚟馆新尝试叫啲冷门啲嘅小炒嘢啦！平时无人陪我食苦瓜今次就先叫碟凉瓜炒牛肉加个咸菜炒猪肚啦！点知过咗一阵佢拎咗一汤碗胡椒猪肚汤摆低，其实我心入面本来系想叫喱味但由于太过清醒理智嘅关系，也不得不叫伙记换返碟炒嘢俾我啦！断估喱类热门招牌菜式佢唔会成碗倒咗咁折堕吗？跟住戏玉嚟喇…佢拎咗碟炒好咗嘅凉瓜炒牛肉…走牛肉至问我「无牛肉有无问题？」换著任何人都唔会话「无问题」咁大方吧！但问题系佢问著我依类环保人士，立场上唔希望因为落错单或人为错误而造成大量厨余浪费，而且佢已经炒好咗先嚟问我我亦唔想叫佢换第样再炒一次，万一OverCooked我咪攞嚟衰？算啦！成23:00如果再转相信唔会有人会要我唯有挨义气要咗佢啦！岂料部份切得比较厚身嘅炒得唔够火喉，苦唔紧要但系个心生得滞真系接受唔到，今铺真系濑晒嘢叫埋晒啲冷门嘢玩自己一镬。过程中我只系唔明白，落单时清楚俾埋餐牌上菜式嘅Num把厨房都可以搞得错系汤定炒嘢！佢俾错我𠮶样价钱贵$30蚊我其实可以
时近22:30仍然高朋满座，眼见人人都系叫差唔多嘅菜式我就嚟馆新尝试叫啲冷门啲嘅小炒嘢啦！平时无人陪我食苦瓜今次就先叫碟凉瓜炒牛肉加个咸菜炒猪肚啦！点知过咗一阵佢拎咗一汤碗胡椒猪肚汤摆低，其实我心入面本来系想叫喱味但由于太过清醒理智嘅关系，也不得不叫伙记换返碟炒嘢俾我啦！断估喱类热门招牌菜式佢唔会成碗倒咗咁折堕吗？
跟住戏玉嚟喇…
佢拎咗碟炒好咗嘅凉瓜炒牛肉…走牛肉至问我「无牛肉有无问题？」换著任何人都唔会话「无问题」咁大方吧！但问题系佢问著我依类环保人士，立场上唔希望因为落错单或人为错误而造成大量厨余浪费，而且佢已经炒好咗先嚟问我我亦唔想叫佢换第样再炒一次，万一OverCooked我咪攞嚟衰？算啦！成23:00如果再转相信唔会有人会要我唯有挨义气要咗佢啦！岂料部份切得比较厚身嘅炒得唔够火喉，苦唔紧要但系个心生得滞真系接受唔到，今铺真系濑晒嘢叫埋晒啲冷门嘢玩自己一镬。
过程中我只系唔明白，落单时清楚俾埋餐牌上菜式嘅Num把厨房都可以搞得错系汤定炒嘢！佢俾错我𠮶样价钱贵$30蚊我其实可以照食但系唔想咁易妥协屈服啰！到𠮶碟炒好咗至同客人讲无牛肉无啦啦变咗食斋成个口感当堂差晒，佢够镬气都话呀炒到半生不熟咁，我座角落单丁卡位冷气唔算大点解食唔够五件成碟嘢咁快就放凉虽然味菜有个凉字啫！碟咸菜猪肚啲咸菜就偏淡要靠辣汁稍为托返起个味否则都唔知食梗乜，唯一最可取嘅仍然系猪肚依啲热门食材系够水准之外，感觉厨房同伙记之间协调不足令食客引起混乱同尴尬，上次嚟叫冻饮强调讲明要「走胶饮管」因我自备不锈钢饮管都摆定喺枱面但伙记都无跟足指示走筒，陷我依种完全唔用即弃餐具嘅环保人士于不义迫人破戒，如果我叫少甜少冰系咪厨房又扮听唔到照旧机械式咁出Order呢？机会嘅嘢俾两次已经系人至义尽，今次一个人嚟食被忽视到如此程度就算埋单你平得几蚊俾我…就算你平一半俾我我成个过程都系食得十分之不愉快，希望店家能作出改善否则第三次嘅时候再重复犯错定必将被列入黑名单之内，即使其他招牌菜几好食都好，一个客都系客，厨房先斩后奏之举实在唔要得。
张贴