牧羊少年咖啡館 (Fashion Walk)

营业中

休息中

好耐之前听过呢间cafe但一路无试过，原来喺港岛开咗分店。三个人去dinner都等咗好耐位，反而二人枱就好快。店内二人枱较多，多过两个人真系要预多少少时间等位。味道方面都系一贯cafe口味，无太大惊喜。不过份量都算大碟，性价比唔错。唯独系唔知点解每碟菜式都落好多酱⋯忌廉鲜牛油果烤鸡肉长通粉$98:卖相唔算特别吸引不过味道尚算唔错。牛油果香芒烤鸡沙律$108:好足料好清新～不过略嫌多酱。炙烧荷兰汁猪肉排$78:性价比极高嘅一道小食。虽然系小食但仈量十足十主菜～唔好以为佢就系得咁多，其实佢下面仲有一层肉，剩食呢个都好饱。猪肉排食落一啲都唔韧，好好味😋不过都系太多酱，好heavy⋯走酱或少酱嘅话应该会好食好多👍🏻另外我哋每人叫咗杯嘢饮Peach yogurt $56清清哋几开胃～Rose cafe latte$46咖啡味几香不过玫瑰味就唔多够。玫瑰可可朱古力$48好香朱古力味～总括嚟讲可以一试不过如果等太耐位就唔多值得。