大欖串燒 (已結業)

系IG见到呢间大榄串烧卖广告，上网见到环境都唔错，就同朋友去试下。星期六晚去到，有好多卡位，感觉舒服有空间。唔似出面啲放题地方坐得逼一逼有唔同餐可以拣，有牛🐮有猪🐷，我地当然系拣左烧牛啦外面有冻柜，可以攞一啲丸，菜等等一定要试下啲土匪鸡翼，不过就要烧耐啲。麻辣鸡翼就麻麻地，可以专注其他鸡翼上面 🤤牛🐮既质素都唔错，切到好薄，容易烧，油香好够，肉味浓郁，特别系牛舌，真系可以不停encore要赞下啲秋葵，几新鲜爽口。其实间餐厅都算做得唔错不过啲抽风就麻麻哋，食咗一阵发觉自己比油烟包围着。成间餐厅都烟雾离漫 😅其实虽然我地选择左放题，但系其实肉嘅选择唔系好多。比起出边嘅放题餐厅，肉嘅选择真系可以得𠮶几样。食食吓，发觉原来我哋最想食嘅牛舌竟然卖晒。(但系牛舌系其中一个主要牛既选择）所以只好食其他既 😅 但系就令人失望个炉嘅面积就真系比较细，想一次过烧都有啲难度。特别系鸡翼呢啲咁难烧得熟嘅食物，真系分分钟要等好耐先食到。所以呢间餐厅嘅食物质素真系唔错，但系其他嘅配套就可以再改善啲 👍🏻