丼吉日式吉列豬排專門店 (國際金融中心商場)

营业中

休息中

星期日经过ifc想食个午餐，拣左呢间主打吉列猪扒，想试好耐因为见平日都几多人等位，试下系咪真系咁好食😆枱上放左三个樽仔，分别系紫菜汁、柚子汁同猪扒酱汁，紫菜汁同柚子汁系配椰菜丝，我觉得配紫菜汁最好味👍🏻落左单，就会奉上一碗芝麻自己磨，磨完加入猪扒酱，用来沾吉列猪扒食。•🥢极上吉列猪扒猪柳定食(二人前) $488呢个餐有吉列猪扒同埋吉列猪柳各一份，配上二人份嘅渍物、面豉汤、白饭、盐同埋芥末酱。椰菜丝同白饭都可以无限追加！但基本上一碗饭都好够饱😆吉列猪扒同埋猪柳份量都非常多，炸得好靓😍外皮好薄又够松脆！食落口一啲油腻感都无，猪柳比猪扒厚身，而且猪柳肉质比猪扒淋身，但两样都唔够juicy。饭系珍珠米，粒粒分明饱满。面豉汤都几足料，有蚬喺入面，味道浓但唔会好死咸。椰菜丝切得好幼细，又爽又清甜。食完主菜，原来每人仲有一杯西瓜😝 都算甜，又唔多核～唔错！呢间d食物唔差，但就无咩惊喜，唔系特别惊艳。