M18 (已結業)

放工久违的经过乐富, 7点几已是晚餐时间, 便随兴的拣了这间唔太多人的M18试试。M18以饱点为主, 但晚餐选择亦唔少, 都有6,7款套餐, 主要都系意粉之类。Set 1的「泡菜芝士捞辛辣面」, 可选鸡扒/猪颈肉, 我选择了猪颈肉。套餐$62配餐汤及饮品(樽装汽水/热饮唔使加钱)。餐汤只有一款蕃茄汤, 入口几酸下, 食到几多蕃茄粒, 味道有点似罗宋汤, 还可以主菜一上, 见到系捞面上洒上辣粉, 卖相唔错。捞完之后就变成上图, 辣粉唔算落得多, 所以其实唔太辣。猪颈肉有5块, 可惜大多偏韧, 亦冇咩味道, 泡菜份量亦唔多, 不过可以接受嘅。至于个公仔面就好明显唔系韩国货, 加上煮得太耐了, 面身超软, 完全冇韩式辛辣面嘅弹牙口感(嘛不过佢又冇讲明系「韩式辛辣面」...) 犹幸芝士酱落得够多, 不辱「芝士捞面」之名, 令我对呢个面加返啲分。其实$62摆明系偏贵, 系装修好少少...不过味道整体都OK, 都可以一试嘅。