妹記佩蘭鹵水鴨專門店 (已結業)

南港島線通車之後，去鴨脷洲真係方便左好多。今日放假就特登同朋友去行吓，不過咁啱附近有跑步活動，午餐時間周圍都好多人。朋友推介呢間妹記， 話滷水鴨好好食，所以即使排左一陣隊都試吓啦。我叫左個滷水鴨河粉，朋友就點左個滷水什米線，本來仲想點小食嘅，但客人真係太多，見到要等就冇再點。滷水鴨肉質地幾好的，味道都不錯，不過個人口味覺得湯底濃左一點。滷水什有豬耳，豬頸肉等，材料都好豐富。可能今日人太多，服務都麻麻哋，店員叫我地排隊，但有其他人入咗去又照俾佢坐，而且點食物都要等好耐，所以都係快快食完就走。