農耕記 湖南土菜 (嘉威大廈)

本来见农耕记系内地咁出名，经过北角试一试。结果中晒伏。1）d服务员全部讲普通话，唔单止唔识讲广东话咁简单，系连听都都唔识听！然后做野完全唔smart，问侍应问题，佢话自己好耐冇返工，唔清楚，但冇叫另一位同事帮我地，只系识企起隔离？2） 入左去后见到佢写住登记会员有50蚊coupon，点知搞完一轮登记，原来要听日先开始可以用，真系攞黎搞。3） 学内地个套，比5分review可以送柠檬茶，但个柠檬茶一饮就系科技水，唔系人地既手打柠檬茶。4） 个白饭同西兰花送上黎系唔热既。（我地食到最后隔离坐左一台，见到人地d饭系出烟既）5） 白饭同西兰花上先，跟住等左20分钟先上半只烧鸡，半个钟先上到辣椒炒肉，等到傻。（但现场睇人唔系多）6）明明叫左少油，但d油都仲系多到油浸肉咁。份量亦偏少。鲍鱼炒肉，但d鲍鱼仲细粒过螺肉。7） 食到尾，唔知点解个胃有d痛（同行友人冇事），最后冇食晒就走左。性价比十分低，同我之前食过的湖南餐厅差好多，我唔会再黎食。