影片
更多
2021-11-14
26 浏览
上次食灯笼卤味发现对面有间舖头大排长龙，所以就mark低咗早两日去试下。呢间舖头一睇佢个招牌就知主打食牛，佢最出名嘅系吉列炸和牛，店员首先会喺牛肉嘅表面上一层粉浆然后轻轻炸一次直接上枱，并附上一个迷你嘅铁板等食客可以因应自己想食嘅熟度去烹调，个过程都几得意㗎！今次我除咗叫左呢个吉列炸和牛套餐之外，我仲叫咗每日限量供应嘅Prime Flat Iron Steak试吓。首先讲吓个Flat Iron Steak，我今次叫咗七成熟，不过因为牛嘅厚度，食到中间我就觉得五成熟左右啦！牛肉嘅质感都唔错，牛肉香味几出，唔好睇佢好细旧咁，佢个套餐配埋白饭沙律同埋前菜，一个女仔真系食唔晒架！比起flat iron steak,我个人更加推介吉列炸和牛，牛肉本身上嘅粉浆唔系好厚，而且都有足够嘅调味之余亦都唔会盖过牛本身嘅味道，当你喺铁板上面煎完之后，牛肉既油脂发更加激发晒出嚟，令到牛肉更加香同埋软滑。另外而家叫一杯嘢饮店家会送一份小食，所以我就叫咗杯柚子梳打另外送一份鸡翼，柚子梳打合格啦，不过鸡翼都几有惊喜，虽然蒜香唔系好出不过蜜糖嘅甜味好重，同鸡翼真系好夹！呢间餐厅总括嚟讲我都推荐嘅，大家如果经过铜锣湾可
呢间舖头一睇佢个招牌就知主打食牛，佢最出名嘅系吉列炸和牛，店员首先会喺牛肉嘅表面上一层粉浆然后轻轻炸一次直接上枱，并附上一个迷你嘅铁板等食客可以因应自己想食嘅熟度去烹调，个过程都几得意㗎！
今次我除咗叫左呢个吉列炸和牛套餐之外，我仲叫咗每日限量供应嘅Prime Flat Iron Steak试吓。
首先讲吓个Flat Iron Steak，我今次叫咗七成熟，不过因为牛嘅厚度，食到中间我就觉得五成熟左右啦！牛肉嘅质感都唔错，牛肉香味几出，唔好睇佢好细旧咁，佢个套餐配埋白饭沙律同埋前菜，一个女仔真系食唔晒架！
比起flat iron steak,我个人更加推介吉列炸和牛，牛肉本身上嘅粉浆唔系好厚，而且都有足够嘅调味之余亦都唔会盖过牛本身嘅味道，当你喺铁板上面煎完之后，牛肉既油脂发更加激发晒出嚟，令到牛肉更加香同埋软滑。
另外而家叫一杯嘢饮店家会送一份小食，所以我就叫咗杯柚子梳打另外送一份鸡翼，柚子梳打合格啦，不过鸡翼都几有惊喜，虽然蒜香唔系好出不过蜜糖嘅甜味好重，同鸡翼真系好夹！
呢间餐厅总括嚟讲我都推荐嘅，大家如果经过铜锣湾可以试吓！
张贴
