堅信號上海生煎皇 (欣榮商場)

营业中

休息中

土瓜湾区没有什么上海嘢，见到开咗一间上海东西，当然要去试吓啦。嗌咗最基本菜式四川担担面，睇吓佢嘅功力。味道系够浓嘅，亦都有花生嘅香味，呢个我哋都觉得唔错，几满意。而且都唔算辛辣，系港式嘅口味。跟住散叫咗一份猪手，非常之淋，入口基本上系即溶咁滞，而且味道都好足够，但系就觉得有少少咸咗啲，如果攞嚟配清汤面嘅话，就很好。不过我就觉得有少少贵，因为三旧要$42 .当然仲要试埋佢话系招牌嘅生煎包。真系好新鲜滚热辣，咬咗一啖，出烟嘅，而且啲汁真系爆咗出嚟，浅左落个枱面度。佢嘅肉汁系非常之多，亦都鲜甜，配少少醋，觉得好食！呢间野味道系唔错嘅，座位就比较普通快餐嘅形式。服务方面就非常之好，你一入嚟佢会话欢迎光临，叫嘢食问嘢等等， 侍应亦都会冲过嚟帮你，而且态度非常之好。感觉喺呢一方面嘅训练系做到非常之足。整体来讲，因为座位坐得比较普通，有点窄，以呢个价钱来讲就觉得有少少贵，不过味道就几好食嘅，间唔中食都可以。