嵐喬日本料理 (已結業)

今日天气好热，热到就黎溶咁，搬左office冇耐，都未食匀附近啲餐厅！食晏时候，行行吓见到呢间门面都几有日本feel嘅餐厅，咪同个同事入去试试。一见到个午餐餐牌有成三十几款可供选择，我自己就叫咗一个刺身定食。餐前又送汤又送沙律，个餐前小食系冬瓜，呢啲热到就黎溶嘅天气，估唔到佢有个咁夹咁透心凉嘅小食。主菜一上，有三文鱼，油甘鱼，鲷鱼，带子，同埋虾。卖相非常新鲜，亦排得好吸引。食落口亦好鲜甜，尤其是三文鱼刺身，厚薄适中，肥瘦ok，够晒肥美，衬埋个饭，真系值得一试，最后仲有绿茶雪糕送，个雪糕都几好食，啲同事食到差唔多刮烂个碗.....