讚好台灣

营业中

休息中

估唔到晚上才九点半喺红磡竟然好多食肆都收工，好彩呢间台湾面店仍然营业，否则真系无饭开。主食叫咗红烧牛筋面要牛肉汤汤底同麻酱干拌面，小食就叫咗大size的木鱼炸豆腐同路边摊小拼盘，饮品叫咗冻嘅小麦胚芽奶茶同透心凉冬瓜茶。木鱼炸豆腐好好食，路边摊小平只属一般，拼盘入面有盐酥鸡四粒、台湾香肠四片同埋炸花枝丸两粒，其实唔系唔好食，不过真系hea咗d，尤其是系𠮶几粒盐酥鸡，好似麦乐鸡咁样样。两碗主食都ok。牛筋面嘅牛筋瞓得好林，汤底亦都好好味，至于个麻酱干拌面d麻酱如果可以再香d会更好。两杯饮品正正常常啦，几有台湾风味。