影片
更多
2023-05-14
39 浏览
难得去开深水埗，突然想食下啲回忆的味道，上左O 记揾下有冇边间食车仔面好，就揾到呢间好似都排名高又like 多dislike 少嘅地方. 屈指一算，真系over 10年以上无食过车仔面…… 中学就差唔多日日/隔日食. 入到去我觉得店员其实系一家人，个伯伯婆婆似父母有个中年男人应该系阿仔🤔 #葱油鸡扒煎双蛋饭上碟卖相颇吸晴令人流晒口水，双蛋个蛋黄好似就穿胀卜卜咁，葱油份量都不少（虽然再多啲更好，好like 爆多葱油！）加埋个鸡扒好香. 难得煎鸡扒咁嫰滑鸡皮有啲𡁻口，捞埋酱汁加少少鼓油好开胃. 几有心嘅系个婶婶帮我将刀义匙好靓咁放喺一边. #劲多𩠌配辣菜脯车仔面太耐冇食所以好贪心叫左劲多𩠌—-香辣鱿鱼，墨鱼丸，牛筋，生菜，手打鱼肉同肥牛加一丁. 惊喜在个辣菜脯（自己可以refill) 好惹味送面一流. 墨鱼丸同鱼肉够弹牙爽口，鱿鱼最出色有啲似花生酱芝麻酱加左咖喱咁，牛筋够林炆得够入味，咁呢生菜同肥牛对比下就比较普通.跟餐另外加$8 有特饮拣左咸拧七，另外一个餐就跟热华田. 平时真系好少机会帮衬呢啲小店（因为活动嘅地方都被连锁集团霸晒，连茶记其实都系敏X太X呢啲标准化餐厅），不过小店买少见少
难得去开深水埗，突然想食下啲回忆的味道，上左O 记揾下有冇边间食车仔面好，就揾到呢间好似都排名高又like 多dislike 少嘅地方. 屈指一算，真系over 10年以上无食过车仔面…… 中学就差唔多日日/隔日食. 入到去我觉得店员其实系一家人，个伯伯婆婆似父母有个中年男人应该系阿仔🤔
#葱油鸡扒煎双蛋饭
上碟卖相颇吸晴令人流晒口水，双蛋个蛋黄好似就穿胀卜卜咁，葱油份量都不少（虽然再多啲更好，好like 爆多葱油！）加埋个鸡扒好香. 难得煎鸡扒咁嫰滑鸡皮有啲𡁻口，捞埋酱汁加少少鼓油好开胃. 几有心嘅系个婶婶帮我将刀义匙好靓咁放喺一边.
#劲多𩠌配辣菜脯车仔面
太耐冇食所以好贪心叫左劲多𩠌—-香辣鱿鱼，墨鱼丸，牛筋，生菜，手打鱼肉同肥牛加一丁. 惊喜在个辣菜脯（自己可以refill) 好惹味送面一流. 墨鱼丸同鱼肉够弹牙爽口，鱿鱼最出色有啲似花生酱芝麻酱加左咖喱咁，牛筋够林炆得够入味，咁呢生菜同肥牛对比下就比较普通.
跟餐另外加$8 有特饮拣左咸拧七，另外一个餐就跟热华田. 平时真系好少机会帮衬呢啲小店（因为活动嘅地方都被连锁集团霸晒，连茶记其实都系敏X太X呢啲标准化餐厅），不过小店买少见少，间唔中支持下都几好👍呢间都整洁干净亦唔见赶客. 顺带一提附近都开左不少特色咖啡店，个区都年青左少少.
张贴
