很得輝 (金滿閣)

营业中

休息中

今日黎到屯门食全鸡脾餐，第一次食鸡脾餐，仲要一次过食三款唔同口味既鸡脾，分别有皇牌生炸鸡脾、卤水鸡脾、沙姜鸡脾、脆薯角、烧汁炒乌冬、水蜜桃红茶。 今次食鸡脾有d惊喜，因为食鸡脾好怕有种雪藏味，但呢三款鸡脾食落系完全冇雪藏味，非常赞。冇雪藏味之如仲要食落好juicy ，仲要系有肉汁漏出黎，卤水汁同沙姜汁鸡脾都好够味，唔会太咸至于皇牌生炸鸡脾，表面睇落好靓仔炸粉又够薄，又冇炸到过火，炸完又唔系油淋淋，鸡脾成只手掌咁大，食落又冇油淋淋既感觉，味道好好食皇牌炸鸡脾最紧要配埋水蜜桃红茶，水蜜桃红茶又唔太甜岩岩好，两个好夹脆薯角好脆，平时食个表皮表较硬，呢度食既竟然唔硬，食既时候仲有几种调味粉可以配答本人就拣左香草辣粉、海苔椒盐，香草辣粉既香草好香又冇盖过左种辣味，海苔椒盐唔太咸，仲有几种辣味既调味粉选择。烧汁炒乌冬亦十分惹味，系9点半前叫套餐仲可以有台式饮品，我今次就系蜜桃茶另外一题唔熟路既可能要睇一睇地图揾先揾到，铺头门面虽然细，但服务态度好，真心推介食鸡有鸡味，唔系食雪藏味，一定会再食。