2000円料理放題專門店 (已結業)

由于Lunch食得唔够尽兴既关系，老公就带我食放题。老公之前同朋友食过，今次轮到我试试。7点几去到，无订枱都有位。座位非常窄，有人行出行入都会撞到。我最后发现原来张椅可以转系俾人撞架，因为待应上菜既时候已经推过我不下10次。刺身第一轮一定系叫刺身，真系叫几多就黎几多，唔似其他餐厅，叫10块都系得2、3块。三文鱼同鲍片系正常货色，甜虾就唔够新鲜，有啲霉，八爪鱼好韧。有冰垫底同干冰放系隔离，上枱唔错，几好睇。炸物炸虾天妇罗，厚粉，虾细只又霉。炸蚝就好啲，粉够味厚度适中，蚝仲好JUICY。焗蚝我觉得好食过炸蚝，芝士忌廉汁好食，但蚝就比较细只，但都好JUICY。不过食多几只会腻。寿司都几多选择，仲有个好得意既墨鱼汁饭，不过我都系钟意正常白饭多啲。长三文鱼，够长但完全唔肥美。芝士虾，老实说我觉得争鲜啲好味啲。铁板???唔记得叫咩名，但呢个系全餐最好食既。入面有菇同虾，啲虾好食过刺身果啲够爽口。用左少少盐同胡椒调味，但系铁板上热辣辣好惹味，要再ENCORE。