喜來稀肉 (已結業)

以前都有去过喜来稀肉其他分店，都觉得不错，但系因为有一排好多人去，变左限时，就无再去喇。今次再黎，同朋友聚一聚。湾仔分店地方阔落，枱同枱中间有好大空间，可以同朋友好舒服咁倾计。挂住倾同食，唔记得影相添~4个朋友叫左一个牛嘅set（壹头牛），可以烧下。我地仲有叫2个石锅饭（石锅拌饭，鱼籽石头锅拌饭），一个汤，同一个煎饼。因为我地上网订枱，每人有一个free drink。壹头牛套餐几好食，有5款肉，虽然个餐系2人套餐，份量都足够我地4个人每样都试到一至两件。我地挂住讲野，有D牛肉烧得耐左，不过都唔会好硬，唔错！外围嘅蛋系可以不断添，我地觉得泡菜味好食D，另外个芝士味唔太突出。个蛋我地都食左3转！汤有少少海鲜，有蚬，有半只蟹。味道一般，同其他地方嘅汤差不多。煎饼比外面韩式餐厅嘅煎饼大，料都几足，蔬菜算多。好香，味道好好。石锅拌饭放得太耐先食，热到锅底有饭焦，变左D饭有少少硬。后加嘅鱼籽石锅拌饭几好食，有好多鱼籽，啖啖都有鱼籽，仲有紫菜添。下次再去！