影片
更多
2012-05-17
1069 浏览
一行5人的好友聚会, 因其中一男士为素食者, 而另一位男友人有同家人嚟过呢间由艺人苏杏旋开的斋店, 所以提议呢间。我们有book位 (友人话佢同家人嚟几次都无book位的习惯..哈哈), 7:00PM, 地方唔系好大, 一坐下就见到苏杏旋女士, 同友人食饭。食物：锦卤云吞：叫的时候, 问侍应份量有几多(你知啦, 茶楼果D一碟四只咋嘛, 惊唔够食), 个女侍应话好多咖, 数唔哂。一上枱, 果然无欺骗我地, 真系劲多。个炸云吞就无"涵"的, 好香口, 唔会好油。个汁好正, 酸酸甜甜, 一流, 不过内里"扮"海鲜果D就唔多似。咕噜肉：个样都好"真", 食落D口感都真系几似肉, 几好味。菠萝焗饭：个饭好香, 都几足料,不过我自己觉得个味唔够, 所以自己配上锦卤云吞的汁...好味。份量都几多, 差不多有7-8碗。沙嗲串烧：个样唔多似出面的沙嗲串烧, 似煎"样"三宝, 哈哈。味道都OK, 不过就唔多似沙嗲。炸豆腐：好香口, 豆腐好味。咖哩四蔬：我自己麻麻地呢类型食物, 所以无食。送的糕点：有好几款糕, 红豆、马碲、芝麻...都几好食....不过就比较"痴"...唔知系切得唔好定本身系咁...哈哈.
我们有book位 (友人话佢同家人嚟几次都无book位的习惯..哈哈), 7:00PM, 地方唔系好大, 一坐下就见到苏杏旋女士, 同友人食饭。
食物：
锦卤云吞：叫的时候, 问侍应份量有几多(你知啦, 茶楼果D一碟四只咋嘛, 惊唔够食), 个女侍应话好多咖, 数唔哂。一上枱, 果然无欺骗我地, 真系劲多。个炸云吞就无"涵"的, 好香口, 唔会好油。个汁好正, 酸酸甜甜, 一流, 不过内里"扮"海鲜果D就唔多似。
咕噜肉：个样都好"真", 食落D口感都真系几似肉, 几好味。
菠萝焗饭：个饭好香, 都几足料,不过我自己觉得个味唔够, 所以自己配上锦卤云吞的汁...好味。份量都几多, 差不多有7-8碗。
沙嗲串烧：个样唔多似出面的沙嗲串烧, 似煎"样"三宝, 哈哈。味道都OK, 不过就唔多似沙嗲。
炸豆腐：好香口, 豆腐好味。
咖哩四蔬：我自己麻麻地呢类型食物, 所以无食。
送的糕点：有好几款糕, 红豆、马碲、芝麻...都几好食....不过就比较"痴"...唔知系切得唔好定本身系咁...哈哈.
食物唔错、环境都唔差、service几好。P.S. 要赞一赞同我地落order的女侍应：(1) 我地叫个焗饭时, 佢会主动话要耐D, 要等20分钟。 (2) 我地本来想叫一个"潮式卤水并盘", 但个女侍应话其实系等于在枱上的(小碟)前菜加只蛋的份量.....所以我地无叫。几好, 起码佢会主动话比客人知。
张贴
