海港食家 (已結業)

屋企人今日无煮饭, 收左工唔知系咪食惯家常便饭嘅关系,就算出街食饭, 都想食"叫𩠌食饭"所以就去左屋企附近嘅"海港食家", 叫番几味同屋企人品尝!3个人叫左沙拉骨, 粟米鱼肚羹, 豉油皇炒面同豉汁蒸鱼云!沙拉骨: 甜酸味适中, 而且唔会骨多过肉, 咬落去都算系啖啖肉, 好食!粟米鱼肚羹: 呢个真系有d失望 , 本人其实好钟意饮d咩羹物羹, 但呢个粟米鱼肚羹真系好淡, 饮落好似d加左生粉而咸咸地嘅水咁, 唔好味之余好似完全唔值6x蚊..失望!!豉油皇炒面: 炒得又有锅气又好味!!好似未食过咁好食嘅豉油皇炒面, 一碟野成家人, 转个头就食晒, 推介!!!!!!豉汁蒸鱼云: 本人唔太识食鱼云, 但蒸得温度及味道适中, 系咸左少少!总括黎讲, 菜色味道服务各方面都算唔错, 系贵左少少。