滿堂樂滬京風味 (已搬遷) 新店位置

最近呢间粢饭好出名下，专登行去买返公司当早餐食，落单一分钟唔洗就有，系即叫即包既，份量比我想像中大。十分钟唔洗返到公司，仲热。下面这图，是我食左几啖觉得唔对路，料足不足，是不是粢饭应有的少饭多馅，大家可以看到。饭，够热，但硬而散，绝对不是烟韧粘软的糯米饭，食食下会成旧甩出黎，完全不结实，仲有D生饭感觉。馅料，我期待的是脆卜卜，而不是两大条硬绷绷、基本就黎咬不开、硬、干、超热气，同饭一点都融合不来的油炸鬼。再者，是一旧旧的硬饭。硬饭Ｘ超硬油炸鬼饭跟肉松炸菜和油炸鬼的比例，配合得好差。食左好多饭先见到中间的馅，然后就散开哂，见图。糯米饭我真的要讲十次，不是烟韧粘软，是硬。味道方面，咸味和素肉松的酥香是合格的，不是特别的咸。有很多卖粢饭的地方，并不是即叫即包的，但即刻包又点呢，咪又系难食。不吐不快，这家店是不是一直都系咁样的水准？价钱系22蚊一个，加豆浆27，早餐来讲，有大把更好的选择。此时此刻同一日下午3:33，我系咪要多谢你帮我悭返餐午餐钱呢，因为我饱到未食到午餐，但同时，我个喉咙干左成日，佢个油炸鬼真系热气到不得了，就黎喉咙痛咁济。好了，以后都唔会再帮衬。