更多
2021-06-11
146 浏览
今日去贝沙湾探朋友,就去到数码港嘅金记解决晚餐,位于数码港商场地下,环境清幽。首先叫咗个黑松露翠玉瓜炒虾球,配白饭同埋例汤嘅。首先我系俾黑松露三个字吸引咗,而我一啲都冇失望,因为黑松露香味扑鼻。翠玉瓜爽口,好多大大只嘅虾球,而且仲有唔少蘑菇。我会话系一个低卡路里,健康,但系不失色香味嘅一个选择。再叫咗个无骨海南鸡套餐,亦都有中汤同埋油饭。系一个质素唔错嘅海南鸡饭,鸡肉嫩滑,属于白肉嘅鸡肉,亦都系一个比较健康嘅选择。套餐亦提供花生,姜戎,同埋豉油叼下味。再嚟一个我最钟意嘅,每次去金记都会叫嘅咖喱牛脷意粉,咖喱味香浓,但系唔辣。牛脷啖啖肉,而薯仔亦都非常吸收咖喱嘅味道。因为想吸收多啲蛋白质,所以亦都叫咗个芙蓉蛋饭,非常多蛋,多虾,亦都多火腿,足料亦足够蛋白质。而饮品就系喺金记必叫嘅蛋白杏仁茶,滋润又美颜。
张贴