合十 (已結業)

今天放假轻松吓，约咗朋友去咗一间位于商厦的餐厅，呢度环境好chill，有室外同室内，我哋拣咗室外坐，天花板有好多闪闪灯，非常有情调。先叫两款嘢饮我朋友拣咗热焦糖炖蛋咖啡，卖相唔错，我拣咗一杯名字十分搞笑的嘢饮叫粉碎性骨折，主要成份有接骨木花、薄荷叶、青柠、梳打水配雪糕，因为我对接骨木花好奇，初次品尝感觉唔错，有淡淡花香，好易入口，整体调得唔错，再配上雪糕真系好满足。小食拼盘有洋葱圈、炸鸡、炸鱼饼、烧菠萝和墨西哥脆片，三五知己一路倾偈一路食非常合适、全部炸嘢都新鲜热辣，尤其系洋葱圈非常好味、烧菠萝都值得推介。巨型猪扒跟薯菜超级巨型的猪扒，之前试过再encore，猪扒keep到肉质鲜嫩，而且肥瘦均匀。再配上不同的蔬菜同大大份薯条，好满足。香芒斑斓奶盖瀑布蛋糕配椰子雪糕非常有东南亚格调，斑斓蛋糕感觉清新，配上芒果甜甜酸酸再加上奶盖瀑布做卖点，再配上清新的椰子雪糕，真系不能抗拒，打卡一流。