Rooftop Café by Momentum Coffee (已結業)

首先讲甜品，当你睇到等咗一段时间送上嚟嘅pancake有一面㶶到同只黑色碟一样咁黑，同waiter投诉完道歉都无句，仲答返你呢度就系食咁㶶，你地唔钟意就cancel，你会有咩感受？点解厨房会俾得出咁嘅食物？点解waiter讲得出咁嘅解释？讲返刚到餐厅楼层一出，眼前一堆纸箱等杂物，行入餐厅嘅通道净系一个人过到，第一感觉已经唔太好。人手唔够，食物到咗只俾一套餐具，要问至再俾，甜品到咗又无帮手换新餐具同碟，都系要叫至换，服务上唔够妥善。咸点就大部分都好食，原本跟明太子忌廉意粉嘅海胆蟹肉已经无晒，转咗带子同虾，整体好食。All day breakfast味道正常，薯饼后上，不过之后睇返其他食评嘅相，唔知点解我地叫个碟冇咗牛油果，waiter亦冇提过。鸡排意粉啲鸡排好咸，系呢样最差。热饮唔够热，冻饮ok。当日系庆祝朋友生日，非常扫兴，唔会再嚟呢间咁嘅餐厅，唔该餐厅好好检讨出品同员工质素。第一次写食评就系劣评，非常不满同无奈。