麻神麻辣火鍋 (已結業)

睇完八卦杂志嘅饮食情报，终于来到铜锣湾嘅麻神，一试佢嘅鸳鸯锅。点菜后，餐厅经理特意介绍佢哋冇味精嘅鸳鸯锅 ，清汤𠮶边系昆布汤底，麻辣𠮶边有传说中必食嘅鸭血，重要指定用刀叉去食，唔系用筷子鸭血非常有质感，并唔系茶餐厅或者中式酒楼食嘅韭菜猪红，一夹就散。最值得一提嘅系肉类!!我同三位朋友叫咗一份牛小排同黑毛猪。相片嘅内容只系各200 gram，建议如果人多嘅，可以嗌400 gram。个牛小排真系世界级嘅顶级牛肉!!咬落口感真系好唔同~ 建议大家"dep"清楚啲味道，因为每块价值七八十蚊港币余下菜单都好似打边炉咁样，叫咗啲丸呀、饺子呀、蔬菜咁……另外， 提一下，如果大家对冰藻有兴趣，又充满好奇心嘅话，其实佢似海草，味道有啲腥。怕腥嘅朋友，可以免叫呢个菜。最后提一下，个饮品虽然有啲贵，五十几蚊一杯，但系柠檬同蜜糖味超重，非常配合火锅汤底 。每杯饮品入面仲有爆多嘅荔枝味爆珠，配以火锅嘅美食，绝对可以话系一流 同场加映：：：食之前，已经听朋友讲呢间餐厅好多明星嚟光顾，其实入面嘅装修非常古色古香，亦都配以摩登嘅味道。临走前真系见到黎耀祥，人生有几多个十年呀～