揀得啱車仔麵 (已結業)

🏡本身我都几钟意食车仔面，原因系钟意款式够多，每次都可以选择唔同嘅汤底，嚟多几次都唔会厌😄呢间拣得啱车仔面，我都嚟过好几次🥰钟意呢度地方企理，干干净净，而且灯光光猛。要数我嘅至爱，就系呢度嘅✨麻辣鸭血～口味系微辣+微麻口味，即叫即热，口感爽滑，好香口！呢度有个三𩠌一面嘅套餐，送埋饮品都系50蚊，份量够丰富，仲可以自由选择面底或生菜底添。呢度目测至少有三、四十款菜式，多到不能尽录😆我最钟意嘅几款✨午餐肉～超级大块，厚度达1cm，而且仲细心地煎过，食落外面脆脆地添✨猪大肠～卤水汁甜甜地，而且唔会太油腻，炆得够淋✨白萝卜～明显用上高汤煮过，清新又入味✨黑松露饺子～一咬落有好香嘅黑松露味，食得出系冇落味精👍内里嘅猪肉都好爽滑，明显新鲜制作！