香港老飯店

营业中

休息中

表弟半工读左几年, 今年终于毕业, 今日攞左半日假陪埋舅母同佢大馆影返D毕业相留念。我地系大馆影完之后仲去左中上环的其他景点拍照, 一直去到6点几天开始黑先收工。影完相之后, 舅母提议系附近食埋饭先走, 我地系OPENRICE揾左呢间位于中环南丰大厦食京沪菜的老店: 香港老饭店。餐厅主打上海菜同北京菜, 好啱舅母的口味。我地未到7点已经入左餐厅, 系晚市首枱客人。餐厅装修新净, 富有空间感唔焗促。由于时间尚早, 我地都未系好肚饿, 所以只点左一客烤双方同四款小菜, 食完先再睇下需唔需要再加。餐牌蜜味烤双方 舅母好钟意食金华火腿, 加上蜜糖的金华火腿, 用软包包住食, 完全唔会觉得油腻, 咸中带甜, 非常惹味。咸肉蛋饺菜心 蛋饺系上海过年的必备菜式, 金黄色的蛋饺好似金元宝, 外皮蛋味香浓, 猪肉馅料饱满, 味道唔错。椒盐鲜鱿 呢款椒盐鲜鱿外层好香脆, 咸度适中, 鱿鱼爽口弹牙。清炒鳝糊 每次食上海茶我都会点炒鳝糊, 香港老饭店的鳝糊份量非常多, 而且冇加入我唔食的韭黄, 全碟都系鳝鱼肉, 抵赞。赛螃蟹 最后食埋呢款以蛋白制作, 口感嫩滑的赛螃蟹, 我地都已经非常满足, 唔需要再加甜品。