影片
更多
2014-08-29
7347 浏览
有事要朋友帮帮手, 要揾间餐厅系新鸿基中心附近食Lunch倾嘢, 谂起呢间铁板烧环境唔错, 都有成两三年冇嚟, 就拣呢间啦。我早到些少, 被安排坐系大厅长枱正中间, 亦埋下咗濑嘢嘅伏线 朋友到咗之后我哋叫咗两个"竹"午餐, 我同朋友各自拣咗带子同虾，至于美国牛肉, 厚烧嘅话再有两个Option, 牛柳及牛肩(好似系牛肩啩...见相片), 我地两个都拣咗牛肩。再加咗一人份量嘅铁板鳗鱼Share。咁耐冇见自然倾唔停, 食完沙律后, 师傅忽然系我右边伸长哂手咁上半嚿鱼俾我朋友, 再上半嚿俾我 (我坐右边, 我朋友坐左边)原来右边企系老远嘅师傅帮我整紧嘢食....而我前面嘅铁板只系放满所有食客嘅食材, 而冇师傅嘅。成张枱十几个客得一左一右两个师傅?!咁我做乜要嚟食铁板烧要book铁板烧位? 仲未讲嚿鱼, 每人得半嚿, 我哋两个餐都有鱼架㖞, 个份量我怀疑系1/2咗。可惜冇影相, 呢样算...之后上带子同虾, 佢自动波帮我每样分一人一半....喝都喝止唔住。个师傅系完全冇问我哋嘅意愿, 你自己Serve得人多懒得去记边个食边样?如果我哋想Share会讲你听啦!见佢伸到尽先放到食物系我朋友只碟,
我早到些少, 被安排坐系大厅长枱正中间, 亦埋下咗濑嘢嘅伏线
朋友到咗之后我哋叫咗两个"竹"午餐, 我同朋友各自拣咗带子同虾，
至于美国牛肉, 厚烧嘅话再有两个Option, 牛柳及牛肩(好似系牛肩啩...见相片), 我地两个都拣咗牛肩。
再加咗一人份量嘅铁板鳗鱼Share。
咁耐冇见自然倾唔停, 食完沙律后,
师傅忽然系我右边伸长哂手咁上半嚿鱼俾我朋友, 再上半嚿俾我 (我坐右边, 我朋友坐左边)
原来右边企系老远嘅师傅帮我整紧嘢食....而我前面嘅铁板只系放满所有食客嘅食材, 而冇师傅嘅。
成张枱十几个客得一左一右两个师傅?!
咁我做乜要嚟食铁板烧要book铁板烧位?
仲未讲嚿鱼, 每人得半嚿, 我哋两个餐都有鱼架㖞, 个份量我怀疑系1/2咗。
可惜冇影相, 呢样算...
之后上带子同虾, 佢自动波帮我每样分一人一半....喝都喝止唔住。
个师傅系完全冇问我哋嘅意愿, 你自己Serve得人多懒得去记边个食边样?
如果我哋想Share会讲你听啦!
见佢伸到尽先放到食物系我朋友只碟, 我都唔忍心要佢再分返好。
跟住上厚烧牛肉, D蒜片系韧韧哋, 重有D黐牙嘅感觉。牛肉要五成熟, 生熟控制OK, 但牛肉只可以用lifeless去形容, 冇牛肉应有texture, 好后悔唔叫牛柳。
我哋仲要叫嘅同一款, 冇得沟货, 老实讲颇辛苦先食得完。
记忆中同系雪舟食嘅牛肩跟海盐比较系天与地嘅分别。
铁板鳗鱼系全日Highlight, 煎得皮香肉嫩, 调味适中, 肉有DD偏油但我钟意。两人各分到3件其实好够, 说得好似约$180
之后嘅炒饭质素OK, 而炒面较好。
成个餐算食得饱。
午餐嚟讲, 七百几蚊两位唔算平, 亦唔贵。
但以2个师傅Serve成张超长枱, 而个师傅企到鬼咁远咁去准备食物, 同食客零沟通,
根本就Defeat咗铁板烧嘅真谛(!)
唔够师傅我建议餐厅做少D客, 或加价加师傅。
得罪讲句, 呢个价钱质素如果唔系地利, 任何一间铜锣湾或中环嘅铁板烧都较松菱好。
张贴
