大本瀛日式放題

营业中

休息中

朋友生日，佢拣咗呢间日式放题，见价钱同其他日式放题嘅差唔多，谂住质素都唔会差得去边。去到兆万楼下，佢哋职员塞咗张传单俾我哋，上面明明有龙虾同蟹等等贵价少少嘅食材，点知真系图片只供参考，乜都无，所以未食之前，个感觉都有啲差。当晚都唔算好多客，唔使等位就可以直入。首先上咗一转刺身先，质素都OK，正常，不过刺身嘅选择唔算多。但第二转刺身就无咁好食啦，完全无跟我落单个数量，间中又食到未融雪嘅虾同贝类，仲有阵未融雪嘅味，几腥，所以都无再叫第三round。另外，呢度都有东南亚嘅小食，我觉得几有特色，味道不错，但系炸物唔系即炸，上到枱已经唔系脆口，扣晒分！我哋对呢间日式放题店整体感觉都好一般，睇返我哋食过嘅嘢，性价比一啲都唔高。