興記咖啡室

营业中

休息中

今日又中杂志啲招，去咗荷李活道间兴记，完全名不符实，仲系某食神才子介绍。首先必食至出名西多，又话即叫即制，柯打完先浸蛋浆，再慢火煎10-15分钟。点知件西多2分钟到咗，睇落去金黄，食落去好失望。唔够热，仲要入面系无馅，同埋真系唔觉得炼奶有咩特别， 大快活都有啦。之后叫咗碗面- 猪扒餐肉面(一丁加$3)，盛惠$26，谂住试下个蕃茄汤底，再加$5，饮品都唔包杯。猪扒同餐肉，真系你想整得难食都几难，无惊无喜。加$5嘅汤底，完全唔掂，得鸡碎咁多蕃茄蓉，求其揾啲蕃茄膏加水，唔该你食吓兰芳园或者胜香园先啦，中上环食蕃茄汤底，大家都有返甘上下要求!食啲咁嘅嘢，唔饮杯嘢下火，收我$13一杯冻华田咁抵，点知淡到饮净半杯。之后埋单每人$50，同杂志介绍平均消费$30，足足多咗66.666666%。听日要即刻食返兰芳园或者胜香园补数。