影片
更多
2014-12-14
222 浏览
经团购买咗个二人餐，今晚去食，发觉中伏。餐厅嘅环境冇想像中好，室内部分有啲局促，室外部分还可以，但算不上雅致。但最大问题系食物质素。个餐有个Welcome drink，点知送上嚟嘅系~好~立~克。我心感不妙，边有人餐前饮好立克架？贪佢甜腻咩！果然往后更加唔对路。面包硬倔倔，餐汤淡茂茂，完全饮唔出系乜嘢汤。呢两样嘢名义上任食，实际系食过你一定唔会返兜，因为唔好食！头盘系鸡翼、肉丸同焗蚝三选二，但焗蚝每份只有一只（团购张相系两只），要两只蚝就要放弃鸡翼同肉丸。稳阵计，我要前两项。结果嚟到，味道还可以，算系正常少少嘅一环。跟住主菜就吓我一惊。我哋点咗苹果玉桂烧鸡同埋猪肋骨。佢一碟过送上嚟......半只鸡又瘦又黑又干，似「非洲鸡」；份猪肋骨得三条肋条，只有参考图片三份一。我哋醒起团购菜单话有沙律，于是问服务员，结果佢话伴喺非洲鸡隔离𠮶一小撮菜就系二人份量嘅沙律！我听完真系觉得不可接受，佢就话同厨房讲下，然后攞多咗一碟菜过嚟--不过只有菜，冇沙律汁！我哋勉强将两撮沙律菜混埋一齐食咗，再去了解主菜点解咁细份。佢话团购网张相系四人餐分量。但系点解其他相系二人餐分量，净系呢张系四人分量呢？冇解释，只
餐厅嘅环境冇想像中好，室内部分有啲局促，室外部分还可以，但算不上雅致。
但最大问题系食物质素。个餐有个Welcome drink，点知送上嚟嘅系~好~立~克。我心感不妙，边有人餐前饮好立克架？贪佢甜腻咩！果然往后更加唔对路。面包硬倔倔，餐汤淡茂茂，完全饮唔出系乜嘢汤。呢两样嘢名义上任食，实际系食过你一定唔会返兜，因为唔好食！
头盘系鸡翼、肉丸同焗蚝三选二，但焗蚝每份只有一只（团购张相系两只），要两只蚝就要放弃鸡翼同肉丸。稳阵计，我要前两项。结果嚟到，味道还可以，算系正常少少嘅一环。跟住主菜就吓我一惊。我哋点咗苹果玉桂烧鸡同埋猪肋骨。佢一碟过送上嚟......半只鸡又瘦又黑又干，似「非洲鸡」；份猪肋骨得三条肋条，只有参考图片三份一。我哋醒起团购菜单话有沙律，于是问服务员，结果佢话伴喺非洲鸡隔离𠮶一小撮菜就系二人份量嘅沙律！我听完真系觉得不可接受，佢就话同厨房讲下，然后攞多咗一碟菜过嚟--不过只有菜，冇沙律汁！我哋勉强将两撮沙律菜混埋一齐食咗，再去了解主菜点解咁细份。佢话团购网张相系四人餐分量。但系点解其他相系二人餐分量，净系呢张系四人分量呢？冇解释，只能硬食！
事实系呢个主菜真系「硬」食。只鸡干「鞋」到冇朋友，兼冇乜味；个猪肋骨干韧得嚟咸到飞起。𠮶一刻我觉得个厨师似整蛊我哋，因为真系好耐冇食过咁难食嘅西餐！甜品佢哋话改咗做蜜糖苹果，我哋坚持要返团购菜单写明嘅芝士饼。结果佢哋畀返芝士饼（唔知系咪外卖返嚟），质素比较正常。
成个餐埋单近$300，帐面价唔贵，但系食物质素同分量都极差，计起嚟就好揾笨。呢间餐厅畀我感觉一系就由唔识饮食嘅人顶手做，所以乜都好"虾碌”，业余过业余；一系就立心用团购引人预付，敷衍交货。我见佢团购仲卖紧，希望赶得切提醒其他食家小心。
20 浏览
0 赞好
0 留言
题外话/补充资料：
个厕所冇枧液，上菜速度好慢．
(以上食记乃用户个人意见 , 并不代表OpenRice之观点。)
张贴
