蠔站 (荃新天地)

营业中

休息中

母亲节果日晚上去，叫左个母亲节限定黄金牛排，d所谓"黄金"系蒜片，炒得唔好完全唔香，最大问题系牛排上布满粗盬，咸到极。向职员反映，佢地竟然话个菜式本身系咁，只系帮我地拨走d蒜片同盬。我地继续食依然好咸，d盬粒咬落去索索声，份牛排$388真系食到一吐气。想叫杯冻柠茶佢地又竟然话冇。基本上除左$10一只生蚝外，其他菜式都系又贵又难食，职员的服务态度亦不佳，到埋单时我地再向职员反映牛排咸嘅问题，佢地才承认"重手左"，感觉似系认为我地只系想揾著数，比一堆食满正价$500可当$100使用嘅优惠卷我地，但试问咁嘅质素又点会有下次呢。