沙嗲王 (已結業)

夜晚时分一支公系铜锣湾要解决晚饭问题，都几头痛，周围行左阵，决定去沙嗲王，原因系好耐无去，加上一个人食都几方便快捷。中学时期经常去食沙嗲王，次次都会叫白咖哩猪扒饭，所以基本上去沙嗲王都唔洗烦食咩，今次都唔例外，直接叫左一个白咖哩猪扒饭。等左一阵已经黎到，一黎到个香味已经令我急不及待想食哂去，咁多年黎个水准都系保持不变，白咖哩真系十分出色，香料既比例岩岩好，少少甜少少椰香唔太稀唔太竭，送饭一流，而炸猪扒既香矛味十分入味，猪扒数量亦都十分多，够送两碗饭，所以正常系要加多一个饭先对得住佢。一边食中学既回忆就慢慢涌出，系开心既，得闲回味下系唔错，仔细咁睇下餐牌，内容都变得几多，有好多唔见左，亦都有好多新既菜色，下次约中学同学食晚饭再一战试下有咩大改变。