影片
更多
2016-04-18
515 浏览
屋企附近开咗间cafe, 睇menu仲有紫薯latte!!!! 听见到想试, 于是就趁放假去试下啦, 点知杯紫薯latte一嚟到, 卖相已经率先扣分, 拉花都冇, 响奶泡上面倒d 紫薯粉就算... 一饮仲失望, 完全唔够热, 仲饮到有粒砂糖未溶, 而且所谓嘅紫薯latte 系完全冇紫薯味...食物方面我order 咗份all day breakfast, 连埋杯latte 盛惠$95, 但未食已经一肚火, 等咗45分钟都未有得食, 去柜台问下佢开始煮未, 如果未煮我就唔要啦, cashier 姐姐好声好气话已经煮紧啦, 等一等啦, 点个帮我落单𠮶个阿叔即刻同个cashier讲: 「都同佢讲咗all day 要等架啦!」, 哗哗哗, 我想话落单时佢完全冇提过啰! 早知要等咁耐我就改叫其他嘢啦! 好! 既然你话已经煮紧, 我即管睇下你煮几耐同煮d 咩出嚟!!!结果, 足足等咗一个钟, 个all day breakfast 先煮好, 其实当时间cafe 都有吉台, 到底点解要等咁耐我真系唔明... 落单𠮶个阿叔仲要加多句: 「又煎又炒又炸咁多工序系耐d」, 哗!!! 真系唔讲唔知原来一个al
食物方面我order 咗份all day breakfast, 连埋杯latte 盛惠$95, 但未食已经一肚火, 等咗45分钟都未有得食, 去柜台问下佢开始煮未, 如果未煮我就唔要啦, cashier 姐姐好声好气话已经煮紧啦, 等一等啦, 点个帮我落单𠮶个阿叔即刻同个cashier讲: 「都同佢讲咗all day 要等架啦!」, 哗哗哗, 我想话落单时佢完全冇提过啰! 早知要等咁耐我就改叫其他嘢啦! 好! 既然你话已经煮紧, 我即管睇下你煮几耐同煮d 咩出嚟!!!
结果, 足足等咗一个钟, 个all day breakfast 先煮好, 其实当时间cafe 都有吉台, 到底点解要等咁耐我真系唔明... 落单𠮶个阿叔仲要加多句: 「又煎又炒又炸咁多工序系耐d」, 哗!!! 真系唔讲唔知原来一个all day breakfast 系要煮一个钟咁耐!!!
好啦, 其实个all day breakfast同杯latte 差唔多, 卖相非常差: 中间几块生菜吱一堆沙律酱响面, 块蕃茄冇煎过就咁薄切一片上面摆d 碎蛋沙律, 牛角包系淋嘅, 黑松露炒蛋炒到老哂, 薯饼好重油益味仲要竟然系弹牙嘅 (因为捞太多面粉), 块烟肉又冇煎到脆边, 真系唔知点解要搞成粒钟, 一定冇下次......
张贴