影片
更多
2021-06-02
3985 浏览
对上一次来中庭，应该是去年同样时间吧。 我谂大家都谂唔到一年后嘅今日，我们还是留在香港。结果系每个星期，要揾新餐厅或者酒店staycation先揾返啲人生嘅意义。 谂起都觉得可怜，看到一年前嘅相簿就想起会展嘅呢间餐厅，回想以前一年一定会去会展几次，书展又好、艺术展览又好、演唱会又好，而家会展好似好少机会去。 见到中庭有优惠，无想过要有展览才来了，立刻起行。苏志辉师傅的新经典系列，由头盘、炖汤、主菜到甜品一共八道菜，都只系每位港币$508 (两位起)，如晚上惠顾更可享某些信用卡优惠，我唔卖广告系边张信用卡啦 ，自己揾下。 前菜先有盐焗鲜鲍鱼，走地醉鸡同凉拌蜜荳虫草花，最赏心悦目嘅一定系摆盘同造型，盐焗鲜鲍鱼做得不错，走地醉鸡可以成件食系最令人欣喜的滑度。 潮流兴ABC，红菜头好流行，师傅都准备左螺片白玉红菜汤 ，以冬瓜，红菜头，螺片纪子菊花，螺头汤入撰，感觉非常不错，如果你饮开红菜头汤，呢个你一定会觉得好正，最重要系连少少嘅草青味都冇左。 荷香富贵鸽，靓到不得了嘅造型，以荷叶包住顶鸽，鲍汁勾过后，加上花菇，云南大头菜调下味，再焗完加上红菜头粉，你会食得
我谂大家都谂唔到一年后嘅今日，我们还是留在香港。结果系每个星期，要揾新餐厅或者酒店staycation先揾返啲人生嘅意义。
谂起都觉得可怜，看到一年前嘅相簿就想起会展嘅呢间餐厅，回想以前一年一定会去会展几次，书展又好、艺术展览又好、演唱会又好，而家会展好似好少机会去。
见到中庭有优惠，无想过要有展览才来了，立刻起行。苏志辉师傅的新经典系列，由头盘、炖汤、主菜到甜品一共八道菜，都只系每位港币$508 (两位起)，如晚上惠顾更可享某些信用卡优惠，我唔卖广告系边张信用卡啦 ，自己揾下。
前菜先有盐焗鲜鲍鱼，走地醉鸡同凉拌蜜荳虫草花，最赏心悦目嘅一定系摆盘同造型，盐焗鲜鲍鱼做得不错，走地醉鸡可以成件食系最令人欣喜的滑度。
潮流兴ABC，红菜头好流行，师傅都准备左螺片白玉红菜汤 ，以冬瓜，红菜头，螺片纪子菊花，螺头汤入撰，感觉非常不错，如果你饮开红菜头汤，呢个你一定会觉得好正，最重要系连少少嘅草青味都冇左。
荷香富贵鸽，靓到不得了嘅造型，以荷叶包住顶鸽，鲍汁勾过后，加上花菇，云南大头菜调下味，再焗完加上红菜头粉，你会食得出师傅嘅心机同富贵鸽的嫩滑。
全场哗然的香葱烤油甘鱼鲛，你以为油甘鱼鲛嘅油份同埋肉感最出色，但我告诉你最精彩嘅系伴碟嘅香葱，绝对可以送一碗饭，那股香，到今日都记得。
中间要吃点清清地嘅野，羊肚菌竹笙卷素千层用上少见的BB西兰花，几好，特别记得还有竹笙卷的滑同羊肚菌的香。
邪恶万分的慢煮豚肉腩，我想你唯一担心嘅系食完有嘅罪恶感，或者谂紧嘅系究竟食唔食顶层最好食嘅肥膏，那个慢煮后嘅酱汁，送饭又系一流。
尾声的手切牛崧黑松露炒饭，大碗到不行。基本上女士一定食唔晒，因为已经饱到双手投降。
甜品系合桃布甸拼黑糖桂圆红枣饼，个人来讲相对最冇感觉嘅一道菜色，可能我自己本身对甜品真系唔系特别钟意，不过摆盘又真系靓到一幅画咁，欣赏下都几好。
以呢个价钱食咁多道菜，点会唔值，最重要系地方大又唔算难book枱，有兴趣试下。
中庭 湾仔港湾道1号香港会议展览中心1楼
张贴
