影片
更多
2018-03-16
600 浏览
相约朋友到沙田食饭，既要方便泊车，又唔驶等太耐位既中菜，谂起上次中午踩单车经过科学园想食既囍庆，因为上次中午时间太多人等，今次就有机会大饱口福了！餐厅既空间真系十分大，适合一家大细，而且有个大电视，睇住电视送饭都好正，如果做婚宴场地更是合适！餐厅既选择都好多，经济小菜到海鲜类都有，而且价钱都几合理！我哋今晚都叫左几多野食，由小炒到海鲜都有！1) 桂花炒瑶柱一个几清甜既菜式，我估为左增加口感，加入左芽菜，令整碟菜变得爽口，有浓郁蛋香既味道，食落原来都几多瑶柱！2) 杏汁炖白肺汤，香甜无膻味，杏汁味极浓，非常滋润！份量足够4人享用！3) 上汤焗龙虾伊面，份量十足，足足有只龙虾喺入面，龙虾肉爽滑入味，一咬就难壳！ 伊面索埋d龙虾汁，十分惹味！4) 沙巴龙趸仔，蒸得恰到好处，嫩滑鲜甜，应该超过一斤，价钱都系$248, 我哋觉得呢个好抵食！5) 瑶柱海味杂菜煲，份量颇多，内有不同种类蔬菜同菇，加入虾干瑶柱令所有蔬菜更香口，除左蔬菜既清甜味，仲有少少咸味既海味味道！加埋索埋汁既粉丝，用嚟捞饭就最啱！终于嚟到今晚两味主角6) 京式片皮鸭配贰食凉瓜炆鸭件，鸭皮十分香脆，鸭皮亦切得刚好有少少肉，
餐厅既空间真系十分大，适合一家大细，而且有个大电视，睇住电视送饭都好正，如果做婚宴场地更是合适！
餐厅既选择都好多，经济小菜到海鲜类都有，而且价钱都几合理！
我哋今晚都叫左几多野食，由小炒到海鲜都有！
1) 桂花炒瑶柱
一个几清甜既菜式，我估为左增加口感，加入左芽菜，令整碟菜变得爽口，有浓郁蛋香既味道，食落原来都几多瑶柱！
2) 杏汁炖白肺汤，香甜无膻味，杏汁味极浓，非常滋润！份量足够4人享用！
3) 上汤焗龙虾伊面，份量十足，足足有只龙虾喺入面，龙虾肉爽滑入味，一咬就难壳！ 伊面索埋d龙虾汁，十分惹味！
4) 沙巴龙趸仔，蒸得恰到好处，嫩滑鲜甜，应该超过一斤，价钱都系$248, 我哋觉得呢个好抵食！
清蒸沙巴龙趸仔
$248
33 浏览
0 赞好
0 留言
5) 瑶柱海味杂菜煲，份量颇多，内有不同种类蔬菜同菇，加入虾干瑶柱令所有蔬菜更香口，除左蔬菜既清甜味，仲有少少咸味既海味味道！加埋索埋汁既粉丝，用嚟捞饭就最啱！
终于嚟到今晚两味主角
6) 京式片皮鸭配贰食凉瓜炆鸭件，鸭皮十分香脆，鸭皮亦切得刚好有少少肉，鸭肉唔太膻，虽然有少少油腻，配合埋饼皮包埋大葱同青瓜，就一都唔油腻，大葱同青瓜完全将少少既膻味都去除埋，仲十分爽口！贰食个凉瓜炆鸭件凉瓜香脆清甜，鸭肉就软稔味浓，完全相映成趣，凉瓜索埋d鸭汁，十分惹味，亦唔觉苦，最后d凉瓜俾我哋食晒！
另一个主菜蒜蓉蒸6头南非鲍鱼，鲍鱼真系斤两十足，有1/3只手掌大，亦蒸得恰到好处，十分爽口同鲜甜，厨房十分细心，一早将鲍鱼切离左个壳，唔驶大费周张拆件鲍鱼离开个壳！呢个同条鱼都系我哋好满意既𩠌菜！
蒜蓉蒜6头南非鲍鱼
13 浏览
0 赞好
0 留言
最后酒楼仲有甜品送，真系开心，每人有件桂花糕同一碗渣渣糖水送！
桂花糕入口清香，椰汁味浓郁，香甜！单系颜色都已经非常吸引！
仲有配料十足既渣渣糖水，入面有多种不同种类豆，都煲到起晒沙，好甜，食埋个糖水，我哋真系饱到上心口！
最后要特别赞下一众待应，服务殷勤，经常同我哋换碟！ 大家对呢餐都非常满意！
张贴
