鳳城酒家 (已結業)

每星期总有一日会约屋企人去饮茶，虽然香港酒楼多，但要讲比较出色嘅真系唔多。而我哋最钟意食凤城酒家，夜晚都会嚟食，因佢嘅质素高，味道又好！锅贴大明虾 $98感觉好似虾多士，连平日唔多好炸嘢嘅妈妈都话要encore！应该系块法式面包上面多咗少少油，食到油香味！加上虾胶好弹牙，连埋多士食超惹味。顺德驰名桂鱼卷 $268份量十分多！加上鱼肉好嫩滑，而且内有D冬菇丝、笋丝，食落口感都几清新。口感仍更加丰富，难得嘅滋味配搭。生菜鹌鹑松 $108第一次试，但食落口感层庚都几多，鹌鹑同肉松又几夹，味道变得好丰富。推介大家一试啊！凤城炒饭 $88常嚟食饭嘅人都知，呢道系招牌菜。因为本身厨师镬气够，所以食落已经知同出面嘅炒饭好唔同。虽然材料只系叉烧、蕃茄粒、虾米等，但相信识食之人都知炒饭取决于镬气。脆皮炸子鸡 $268平时去饮食唔少炸子鸡，但讲到仍然深刻嘅真系得呢间。首先一食就知呢只系新鲜鸡，口感完全唔似冰鲜鸡。其次就系佢肉质好厚实，鸡肉都相当嫩滑，食落去鸡皮又够脆，大家都食到赞不绝口。莲蓉西米焗布甸 $78莲蓉甜到刚刚好，令成个甜品都唔会过份地甜，布甸上焦糖唔会太多，甜度刚刚好嘅甜品我最钟意。