Sawadee Chef

营业中

休息中

一开始系比佢啲碗碗碟碟吸引左入黎食。两个人傍晚6点几walk in唔使等都有位（其实帮衬左好多次都唔使book，除非成家人黎食）。今次叫左猪肉松菠萝鸡粒炒饭，串烧：牛脷、翠玉瓜同秋葵，仲有猪颈肉同埋两杯椰汁凉粉冰。以往次次叫大虾金边粉，今次试下鸡粒炒饭～完全无食到有菠萝，睇番相都唔多菠萝，鸡粒味道无乜，蛋应该落得唔多，第一次食淡茂茂既炒饭～下次都系叫番金边粉算。不过串烧都好好食，牛脷爽口，油多有少少漏，两个人share就ok。翠玉瓜同秋葵惹味得黎仲保留到本身既味道，食落都juicy Tim！猪颈肉CP值最高，最中意炭烧既肉，又唔鞋份量又多，加埋酱汁ichiban👍🏻👍🏻每样𩠌都用啲好靓既碟装住，望到都提升食欲呢😝最后我次次都叫椰汁凉粉冰，佢个杯好有特色，饮落又唔甜，有香浓椰汁味，加埋凉粉好好饮。依间服务一向都ok的，上菜又快，不过今次觉得环境好嘈吵，似去左大排档，要大声讲野先听到。