億饍 (已結業)

去完旺角办事就喺附近觅食。妈妈话平时都有上誉发大厦依度揾食，今日就拣咗依间餐厅，有中式炖汤、泰式冬阴公炒饭、越式汤河等，集齐中泰越菜，就哂唔同人喜好😂餐厅一打开䢂门就系，前枱有个茶水吧放满各色各样嘅调酒。枱头有樽灯泡形鱼露可以用，外形几得意。首先，一开始我地点咗个牛油果软壳蟹米纸卷。估唔到一上菜见到米纸卷包住嘅生菜咁茂盛。透明嘅米纸卷个皮都算薄，带有少少咬口，生菜都够新鲜。值得一提嘅系入面旧软壳蟹够哂大，除咗蟹脚外仲有连埋中间蟹肉嘅部分。安格斯牛柳粒炒饭。估唔到个炒饭同个牛肉炒得咁有镬气。炒饭入面仲有唔少蛋碎，同样系有煎过嘅感觉，而且个饭都算粒粒分明。牛肉除咗入味有镬气外，肉质都系有咬口，唔会好似lar过咁腍。原本我地想叫个海斑食，但餐厅话冇货，结果我地就点咗个虾球取代佢，但同样有惊喜。一上菜见到色彩咁鲜艳已经觉得赏心悦目，有红黄绿三色椒同埋西芹西兰花。成碟𩠌炒得好好食，入味有镬气，虾球大大只而且系弹牙嘅。