盛八日式燒肉店 (已結業)

陪完契妹去吉蒂屋朝圣，其男朋友仔为答谢小肥契哥 ，专登翌日请食烧肉放题，地点为「盛八日式烧肉店」。餐厅位于中环夜市旺区内一幢大厦o既三楼，方便又易揾。正门贴有店子营业时间、负款限制等资讯。候座处旁o既墙边贴有软尺，清楚列出小童价格以高度计算，高大o既小童按成人收费；唔知唔多够高o既成人又可唔可以按矮小o既小童收费呢 ？！真系搞笑，接待处有个疑似女版车軚人o既公仔摆设，莫非系用黎警惕女食客小心食完放题会变形 ？！我地一早订咗位，被安排入座高人一等o既独立式卡位，绒櫈舒适又宽阔。旁边o既散座都隔得好开，私人空间都好足。估计人多一齐烧野食时会几烟吓，天花有把大风扇，应该都系用黎加强抽气之用。餐店晚市只做放题，每位食客只可逗留两小时，现包送半只龙虾 ，其他餐牌上o既食物同饮品则无限追加。点选食物必需白纸黑字于表格内填写枱号、人数、菜式编号及数量。餐具旁已准备好三款酱汁供食客自行为烧物加以调味，其中小肥只系用上左边o既烧烤汁同中间o既柠檬汁。烧肉放题包有汽水及鸡尾酒品，即叫即冲，故亦需时冲制，小弟建议容易口干o既朋友唔好等到只杯吉空先叫第二杯饮品。小肥第一杯先饮酒味唔太浓o既「巨峰汽酒」