尚盛潮州海鮮飯店

✨潮州卥水鹅片（例），潮州嘢点少得食佢嘅经典传统卤水鹅片，我哋得两个人，所以净系叫咗个例牌大家食吓！本身我个人嚟讲都几钟意食鹅，所以对佢嘅鹅片都有一定的期望！鹅片非常入味，而且佢切嘅时候唔会太薄，咬落去嘅时候亦都有口感。入口充满鹅肉嘅油香，而且口感上亦都做得非常好，唔会太硬，食得出餐厅本身食材嘅质素，朋友都非常推荐呢一个菜，我同佢都忍唔住食完一件又一件！真系非常好食！✨炆大芥菜煲，芥菜煲加咗金华火腿嘅鲜味，成件事非常高级，味道亦都非常鲜甜！亦都有其他嘅配菜，例如冬菇同埋红萝卜，成个口感更加丰满！✨椒盐鲳鱼骨腩，做得非常香，而且嚟到嘅时候咋渣声，店员亦都好细心咁同我哋讲小心热，鲳鱼骨腩本身非常有油香味，再加埋椒盐嘅味道，非常有镬气，而且味道完全不腥，我同朋友都非常钟意食！而且份量都非常多，觉得非常惹味！✨潮州反沙芋(例），呢个系一个潮州菜式经典嘅菜式，坊间好少地方食到呢一个菜，难得今日嚟到呢一间潮州餐厅，咁梗系试吓！餐厅用咗芋头外层再包入一层薄薄既白色糖霜，咬落去之后外层酥香而且入口都有甜味，里面嘅口感就非常松软，呢一个甜品真系非常经典，而且佢嘅程序功夫亦都非常考师傅嘅工架，第一次食到呢