波記(大排檔) (已結業)

呢度位置几隐秘，虽然在皇后大道中一转上来就见到，但在呢头做左几年野都系同事介绍至找到来。正确位置是余仁生隔离石级行上少少就到，街名叫士他花利。呢度有小菜供应，但最强的是炒粉面，即叫即炒够镬气，又大大碟，四个人来吃叫三碟就得。吃过干炒牛河同星州米，都好有水准；最值得一吃是各种炒面，呢度的炒面系将细个果时在酒楼吃肉丝炒面，D面炸到脆卜卜果种，而家唔系咁多地方吃得到。大部份炒粉面都系21蚊，算几平。当然又系果句，呢度系正宗大排档，即得个铁皮档系舖面，台櫈都摆在路边果种，环境唔会好得去边，唔介意穿套装坐圆櫈的话可一试。仲有就系因为呢度条巷几窄，所以油烟都几劲，上次我去食完返到公司同事仲以为我地去食韩烤，怕油烟就最好买走。