影片
更多
2023-07-07
102 浏览
放左工想饮番杯靓酒，但系又唔想去酒吧同人地迫。经过中环卑利街见到一间水泥风嘅店舖，墙身间有一条长方形嘅小缝，令人好想睇下里面究竟系咩嘢餐厅。门口写住星期一到四、六都有free flow，啱哂乜都想试嘅朋友。如果好似我咁唔系饮得多，又想试下啲特别嘅酒，咁就留番比专业嘅店员介绍。🌟 Arbois Savagnin Ouille Domaine de Pelican 2019第一站试下法国出产嘅白酒，用左Savagnin 葡萄酿成，有花香同埋杏仁嘅味道，整体酸度同口感都比较平衡，作为第一杯饮嘅酒就啱晒啦。🌟 Borgo Paglianetto Vertis Verdicchio di Matelica第二杯系意大利出产嘅白酒，采用左Verdicchio 葡萄，味道清新，有柑橘类嘅香气，仲有少少矿物嘅味道，非常容易入口。依款酒适合配搭日本烟熏鸡火腿，口感似三文鱼，但有微微嘅烟熏味。🌟Cavagino Vermentino 呢款系意大利北道出产嘅白酒，用左Vermentino葡萄，有木瓜和芒果嘅味道。配搭酥炸白虾，带番少少咸香出嚟就啱哂。🌟 Terra Costantino Contrada B
如果好似我咁唔系饮得多，又想试下啲特别嘅酒，咁就留番比专业嘅店员介绍。
🌟 Arbois Savagnin Ouille Domaine de Pelican 2019
第一站试下法国出产嘅白酒，用左Savagnin 葡萄酿成，有花香同埋杏仁嘅味道，整体酸度同口感都比较平衡，作为第一杯饮嘅酒就啱晒啦。
🌟 Borgo Paglianetto Vertis Verdicchio di Matelica
第二杯系意大利出产嘅白酒，采用左Verdicchio 葡萄，味道清新，有柑橘类嘅香气，仲有少少矿物嘅味道，非常容易入口。
依款酒适合配搭日本烟熏鸡火腿，口感似三文鱼，但有微微嘅烟熏味。
🌟Cavagino Vermentino
呢款系意大利北道出产嘅白酒，用左Vermentino葡萄，有木瓜和芒果嘅味道。
配搭酥炸白虾，带番少少咸香出嚟就啱哂。
🌟 Terra Costantino Contrada Blandano Etna Rosso doc 2016
饮咗几款白酒，系时候试下Sicily嘅红酒。带少许香草和烟熏嘅味道，单宁比较劲，适合配搭比较浓味嘅食物。
紫苏豚肉肠一咬开充满浓郁嘅肉汁，红酒又可以中和油腻感。
和牛大葱，用左火炙将表面烧焦迫出油香，再和生鸡蛋搅拌。
Today special
油扬豆腐，外皮炸到酥脆，内层又松软。
🌟Glare Amarone
最后依款系义大利出产嘅Grappa，多数都会饭后嘅时侯饮用。单宁比刚才饮过嘅都要强，有浓厚嘅木桶味，味道好似Whisky。
好有惊喜嘅体验，有专业人士介绍，
一次过可以试哂五款唔同嘅酒，下次一定会再嚟试吓其他新嘅酒。
Vitis: For Wine Lovers (中环)
中环卑利街35号地舖
张贴
