築地日本料理 (結志街) (已結業)

家姐曾经系中环返工超过十年，对于中、上环大街小巷都很熟悉。所以今晚由家姐带路，嚟到呢条唔多起眼嘅结志街揾食。坦白说结志街系有听过，不过真系好似未嚟过食野。估唔到有间超有日本feel 嘅日式料理。入到餐厅𥚃面，真系眼界大开，哗 ～ 好多 …… 周围贴满好多怀旧海报，除了有不少日本电影海报，更有大量经典著名卡通片海报。喜欢日本风、日本片、日本卡通嘅朋友仔，一定要嚟朝圣一下打个卡。餐厅感觉企理，令人好舒服。坐定定当然要睇吓有乜野食啦。其实日本菜除了鱼生、寿司之外，仲有好多菜式都好好味，真心食极吾厌。可能因为餐厅咁有feel ，家姐话佢今晚要请我饮酒㖞，最后选咗支「熟成梅酒」，一边饮一边食一边倾偈一乐也。店员好细心，点菜时有同我哋介绍一下餐厅食物。我哋先点咗前菜「蟹籽沙律」，非常清新开胃。然后「蟹肉蟹膏海之卷」，入口好香蟹肉蟹膏味，混合牛油果香，夹杂少许菜丝，配搭特别又好味。「串烧免治鸡软骨棒」好香炭烧味，咬落粒粒鸡软骨好爽口超正。「盐烧鸡翼」、「串烧鸡软骨」要嚟送酒一流。最钟意个「日式冷乌冬」好出色，汤底好味，配上少少烟韧、爽滑弹牙嘅乌冬，加埋木鱼丝、䓤花才是精髓。最后加个热食「日式茶碗蒸」