邁爵斯 (中環) (已結業)

之前系深水埗食过，味道都唔错，中环呢间食过两次，难得写食评，前日再走去食，加上食午餐，所以顺便当食理晚餐，叫咗碟香辣海鲜意粉，香辣炸鸡同一杯热鲜奶咖啡。如果有食过嘅朋友，就知道呢度其实都几大份，尤其𠮶碟意粉，正常应该两个人先至可以食得晒，炸鸡份量ok，咖啡都系ok。味道方面，个人认为意粉偏咸，掩盖咗番茄嘅味，令到个意粉失去咗个特色；炸鸡几嫩，唔会太干，值得推介。另外，之前薯角配上黑松露酱，令到个薯角升华咗。同理佢哋啲特饮，大家都可以试下。环境虽然狭窄，唔太多枱，但可能我食𠮶日冇乜人，坐住喺度慢慢食，听住餐厅嘅背景音乐都几写意~！！XD价钱方便，以成个中环嚟讲，一定系最抵𠮶间，大件夹抵食，若果中环人做写字楼，一个人食唔晒可以打包攞走，第二日攞返公司摆入微波炉叮返嚟当午餐食，又可以悭番一餐，唔使专登落去中环等外卖咁辛苦。