好易食

营业中

休息中

餐厅在中环苏豪区，沿住半山扶手电梯上，很方便，环境气氛唔错，不停播住音乐，令人感觉轻松。餐牌全部都系墨西哥特色菜：Cauliflower椰菜花加左瓜子仁、石榴籽、柠檬汁一齐煮，配搭新颖，好特别。Mushrooms Croquettes薯饼煎到金黄色，外层酥脆，每一口都食到软绵绵既蘑菇碎，顶部仲铺满芝士碎，非常惹味。Beef Taco (2pcs)墨西哥牛肉塔可饼，馅料好多，有切碎既洋葱、香菜、番茄、柠檬汁调味，带来清新既口感，适合作为开胃既前菜。Holy Fried Chicken炸鸡好厚身，咬落去满足到啖啖肉既口感，而且嫩滑juicy，加埋墨西哥菜不可少既辣酱，更加好食。Mixed Seafood Linguini什锦海鲜意粉有带子、大虾、青口，意粉煮得软硬适中，吸收哂蒜蓉汁好香，同时又食到海鲜鲜味。French Toast花生酱淋满在法式多士上面，非常可口。总结，餐厅食物即叫即整，我哋品尝左一顿精采既墨西哥美食。