Jab Jab

营业中

休息中

朋友介绍话中环有间新开嘅日式烧物串烧店，二话不说立刻嚟试，店内座位唔多而且唔宽落，但就系好有气氛，配合喑喑灯光非常适合三五知己一路倾计一路食嘢饮嘢，如果喜欢宵夜，嚟这店就啱，平时开到零晨两点，五六甚至开到三点。食物以烧物为主，牛、豚、鸡、海鲜、野菜、天妇罗等等，种类繁多，小编当晚叫咗几款，款款精彩，下次一定会再嚟😍◇ 海胆鸽肉卷(必叫)这款系必叫，首先是鸽肉，少见原来肉质极嫩滑，好有惊喜，第二，用海胆提升鲜味，同鸽肉亦夹，第三，𠮶特制摆盘令整体卖相超班，相信每个见到宣传单张都俾它吸引要叫一份，不过建议叫两份，打卡会更靓◇ 4头鲍鱼(蒜香烧)海鲜烧物就拣咗鲍鱼，因为喺其他地方少见，这里好贴心有牛油烧、蒜香烧同盐烧拣，小编喜欢蒜香味道，出来嘅蒜粒好香，而鲍鱼切片上，厚薄适中，肉质爽口，冇叫错◇ 盐烧Prime一口牛(必叫)这又系另一款必叫，表面睇落㶶㶶地咁以为烧过咗，但闻落极香，而一口就可咬落去完全唔韧，仲要极度多汁，唔知用乜酱汁但味道超级正，印象难忘◇ 明太子墨鱼滑手羽手羽就系鸡翼，将明太子墨鱼滑放入鸡翼，一口咬落同时感受4样嘢，明太子同墨鱼滑嘅鲜味、鸡肉嘅嫩滑同鸡皮嘅脆香，口感多重冲，